Kva skjer når musikk, poesi og historieforteljing smeltar saman til ei levande reise gjennom mennesket si utforskartrong? Nye horisontar tek publikum med frå 1500-talet sitt verdsbilete til vår eiga tid – med havet som berande motiv. Gjennom eit rikt og variert program utforskar The Kaleidoscope Band tema som reise, lengt, identitet og kulturelle møte. Publikum får oppleva både ikoniske verk og sjeldnare perler – frå barokken si glitrande klangverd med Georg Friedrich Händel, Jean-Philippe Rameau og Georg Philipp Telemann, til sterke folkelege uttrykk knytte til Petter Dass og Robert Burns.

Asle og Gerd møtest i ein liten kystby lengst vest mot havet. Dei får ein son, og for ei tid er lykka fullkommen. Men Asle, sjømannen, er rastlaus og blir dregen mot havet, medan Gerd blir att i bygda, åleine med barnet. Avstanden mellom dei veks, og spørsmålet blir stilt: Kor mykje avstand toler kjærleiken?

Merethe Offerdal Tveit viser og fortel om filmane «Den siste båtbyggjaren» og «Gryteviks-Olina» i filmsalen i Kulturnaustet.

Asle (Leo Magnus de la Nuez) og Gerd (Kristi-Helene Giæver Engeberg) møtest i ein liten kystby lengst vest mot havet. Dei får ein son, og for ei tid er lykka fullkommen. Men Asle, sjømannen, er rastlaus og blir dregen mot havet, medan Gerd blir att i bygda, åleine med barnet (Audun Gallefoss). Avstanden mellom dei veks, og spørsmålet blir stilt: Kor mykje avstand toler kjærleiken? KJÆRAST er regissert av Erik Poppe og byggjer på nobelprisvinnar Jon Fosses einaste originalskrivne manus for film. Filmen er ei historie om kjærleiken og krafta i lengten.

Billettslepp: Måndag 24. august kl 12 Marianne Bye Granheim – vokal Sigmund Groven – munnspel Henning Sommerro – piano 2026 er det 100 år sidan kulturkjempa Erik Bye vart fødd. I tillegg til den eineståande posisjonen sin i norsk samfunns- og kulturliv gjennom verksemda si som høgt elska programskapar i radio og fjernsyn i fleire tiår, var han ein av dei store diktarane våre. Songar som Vårherres klinkekule, Vår beste dag og Blå salme er folke-eige. Dotterdottera hans, Marianne Bye Granheim, er ei av dei fremste og mest allsidige unge songarane våre, med eit repertoar som spenner frå oratorium til viser. Saman med to musikarar og komponistar som Erik Bye samarbeidde tett med gjennom åra, Henning Sommerro og Sigmund Groven, presenterer ho viseskatten etter morfaren sin.

Bli med på ei engasjerande og visuelt sterk reise inn i dei skandinaviske fjella si fortid, notid og framtid! I denne presentasjonen får du høyre siste nytt frå forskingsfronten om klimaendringar, ekstremvêr, snø og is, og kva som eigentleg skjer når breane våre forsvinn. Du får innsikt i korleis jetstraumen, Golfstraumen og havis påverkar vêr og klima på Vestlandet, og du får unike glimt inn i forsking på Folgefonna samt framtidsscenario for fjellandskapet vårt – alt støtta av sterke bilete og ferske data.